HAFLA YA KUAPISHWA WAHESHIMIWA MADIWANI WA HALMASHAURI YA WILAYA YA KWIMBA.

Posted on: December 2nd, 2020

Waheshimiwa Madiwani wa Halmashauri ya Wilaya ya Kwimba wameapishwa leo tarehe 02/12/2020, Hafla hii imefanyika kwenye ukumbi wa Halmashauri ya Wilaya ya Kwimba.Katika Hafla hii Mkuu wa Wilaya ya Kwimba Mhe.Senyi Simon Ngaga amewapongeza waheshimiwa Madiwani kwa nafasi waliyoipata ya kuteuliwa na kuchaguliwa pia Mkuu wa Wilaya amewashauri kufanya kazi ili kuchochea maendeleo ya Wilaya hii.

MKUU WA WILAYA YA KWIMBA MHE.SENYI S.NGAGA

Picha ya pamoja ya Madiwani na Viongozi wa Wilaya ya Kwimba

Mkurugenzi wa Halmashauri ya Wilaya ya Kwimba Bib. Pendo Malabeja.

Vilevile Ndug.Ally Nyakia Katibu Tawala wa Wilaya ya Kwimba amewapongeza waheshimiwa Madiwani kwa kuchaguliwa pia akasisitiza uadilifu katika kazi,uwajibikaji na kusimamia upatikanaji wa mapato ya ndani na matumizi ya mapato.

 Ndug.Ally Nyakia Katibu Tawala wa Wilaya ya Kwimba.

Katika Hafla hiyo ya uapisho jumla ya Madiwani 40, (30 wakiwa wa kuchaguliwa na 10 wakuteuliwa) wameapishwa na wamefanya uchaguzi wa Mwenyekiti wa Halmashauri na Makamu Mwenyekiti ambapo Mhe.Thereza Jackson Lusangija Diwani wa kata ya Ngudu amechaguliwa kuwa Mwenyekiti wa Halmashauri na Mhe.Lucy Cyprian Nchangwe Diwani vitimaalumu  amechaguliwa kuwa Makamu Mwenyekiti.

Mwenyekiti wa Halmashauri Mhe.Thereza Jackson Lusangija( aliyesimama).

Mhe. Thereza Lusangija  baada ya kuchaguliwa kuwa Mwenyekiti wa Halmashauri amewashukuru Madiwani wote waliomchagua na ameomba ushirikiano na amesisitiza kila Mtu afanye kazi katika nafasi yake,aidha Mwenyekiti wa Halmashauri ameahidi kufanya kazi zitakazochagiza maendeleo ili kuonekane tofauti na uongozi uliopita, pia amesema Halmashauri hii tangu ianzishwe haijawahi kuwa na Mwenyekiti Mwanamke hivyo nafasi aliyoipata ataitumia kufanya kazi za kimaendeleo kwa faida ya wananchi na Taifa kwa ujumla.