MAADHIMISHO YA SIKU YA WANAWAKE DUNIANI YASISITIZA USAWA

Posted on: March 8th, 2023

Maadhimisho ya Siku wa wanawake  kimkoa yamefanyika Wilayani Kwimba ambapo Mkuu wa Mkoa wa Mwanza Mhe. Adam Malima ameitumia siku hii kuwaasa wananchi kutobagua watoto katika kuwapa Elimu

" Wananchi nazani mmeona hao wanawake wote waliopita na mabango wakiandamana wamesomeshwa na wazazi wao hawakubaguliwa Kwa sababu niwanawake kwahiyo niwashauri muwape kipaumbele watoto wa kike kwenye swala la Elimu" Malima

Mheshimiwa Malima amesisitiza malezi bora Kwa watoto, amekemea ukatili wa kijinsia, kimwili na kiuchumi, amesisitiza wazazi hasa wa kike kujenga mahusiano mazuri na watoto Ili kujua changamoto zote zinazowakabili na kuweza kuzitatua.

Mkuu huyo amekabidhi majiko ya gesi na vifaa vya kujifungulia Kwa wanawake wajawazito kutoka Kata za Kwimba, vifaa hivyo vimetolewa na mashirika mbalimbali yenye lengo la kuboresha maisha ya wanawake wjawazito.Pia amekabidhi taulo za kike Kwa wanafunzi wa kike wa Shule za Sekondari.

Katika maadhimisho hayo ameshiriki  Waziri wa Ardhi Mhe Angelina Mabula na Naibu Waziri wa Maliasil na Utali ambao wamewapongeza wanawake wote walioshiriki maadhimisho huku wakisisitiza malezi bora Kwa watoto wakike na wakiume Ili kuwaepusha na madhara yanayosababishwa na mmomonyoko wa Maadili.

Aidha viongozi hao wamewataka wanawake wote wanaopewa nafasi ya kuongoza  wajiamini na wafanye kazi zao Kwa weledi Ili waunge mkono juhudi za Mheshimiwa Rais za kuwaletea Wananchi maendeleo

"awe kiongozi wa kikundi,awe kiongozi Ofisi za Serikali au taasisi anatakiwa kujiamini Kwa sababu wanawake  wamemuweka pale, tulioko maofisini tupo kwaajili ya kutumikia jamii nzima kwahiyo tuangalie watangulizi wetu pamoja na kuangalia Rais wetu Mhe. Dkt Samia Suluhu Hassan ambaye anatusababishia kutembea kifua mbele maana miradi ya kimkakati inaendelea,miradi ya Afya, amepunguza riba ya Kodi ya Ardhi haya yote yanafanywa na mwanamke shupavu" amesema Angelina  Mabula

 Siku ya wanawake Duniani  huadhimishwa kila mwaka tarehe 8 Machi ambapo mwaka huu yamekuwa na kauli mbiu inayosema

"UBUNIFU WA MABADILIKO YA TEKNOLOJIA, CHACHU KATIKA KULETA USAWA WA KIJINSIA"