WAHITIMU WA CHA CHUO MAENDELEO YA WANANCHI MALYA WAONYESHA UJUZI WALIOUPATA

Posted on: November 12th, 2021

Viongozi wa Chuo cha Maendeleo ya Wananchi Malya  wamefanya mahafali ya 44 ambapo katika mahafali hiyo jumla ya wanachuo 237 wamehitimu. Katika mahafali hiyo iliyofanyika  tarehe 11/11/2021 wahitimu  wameweza kuonyesha ujuzi wa fani mbalimbali wanazofundishwa chuoni hapo.

Wahitimu wa ufundi wa magari wameweza kuonyesha jinsi ya kutengeneza magari mabovu, waliojifunza umeme wameonyesha jinsi wanavyoweza kufunga umeme wa viwandani na majumbani na wahitimu wa fani nyingine wameonyesha ujuzi walioupata.

Chuo cha Maendeleo ya Wananchi Malya kinatoa kozi mbalimbali ikiwemo umeme, ufundi magari, fundi bomba, fundi wa kushona nguo, mifugo, fundi washi na waalimu wa malezi ya watoto wadogo.

Aidha chuo hicho  kinatoa elimu ya Sekondari (elimu haina mwisho yaani QT) kwa wasichana walioshindwa kupata elimu kutokana na sababu mbalimbali ikiwemo mimba za utotoni, kusitisha masomo kwa sababu ya ugonjwa au sababu nyingine. Wasichana hao wanapata elimu ya sekondari bure na wanafundishwa na fani nyingine. Elimu hiyo ya sekondari  inatolewa kwa miaka miwili tu ambapo kidato cha kwanza na chapili  wanasoma kwa mwaka mmoja na kidato cha tatu na nne wanasoma mwaka wa pili.

Mgeni rasmi wa Mahafali hayo alikuwa Katibu Tawala wa Wilaya ya Kwimba Ndug. Nyakia Ally  ambaye amemshauri Mkuu wa Chuo Mwalim Frenk J Igembe kuanzisha Shule ya msingi kwamaana ya ( english medium ) kwa sababu walimu anawatengeneza yeye mwenyewe, pia ameshauri na fani nyingine ziongezwe na hizo zilizopo ziendelee kutoa wataalam wa kutosha ili wakafanye kazi za kuleta maendela kwenye Taifa letu.